الحب ذل الوصل عار لا صار تاليها هـوان
ياللي تقول أخبارك أخباري بـدون مجاملـة
زعلان منك اي نعم زعلان من شهر رمضان
ما تشوف جرحي لي ثمان شهور وانا حامله
رغم قساوة جرحك بقلبي لكن قلبي ما خـان
يصحى الى منه صحى وان نام جرك نام لـه
فتنتني لين اكتشفت ان اكثـر الحـب افتتـان
واتعبت من مسك القلـم كـف تجيـد اناملـه
صياغة التعبير في جملـة يخلدهـا الزمـان
تصويرها يثبت بـان النـاس ماهـي بكاملـه
خلاص بطلنا غلا احسن لنـا نبقـى اخـوان
ويعاملك قلبي طبيعي مثل مـا انـت تعاملـه
صديت منك مثل ما صد الشجاع من الجبـان
واحرمت من وصلك أحاسيس الخفوق الشامله
لا صرت دون احساس ما تقدر تقدم لي حنان
لان القلـوب بحسهـا وبعطفهـا متكامـلـة
انت على طيارة الهجران حاجز لـك مكـان
وانا ف مطار مواصلك ناطرك ساعه كاملـه
السبت أغسطس 22, 2009 9:12 pm
